Faleminderit, nënkryetare! Të gjithë ju të pranishëm, Pyetjet e mia kanë të bëjnë me Ministrinë e Arsimit. Jemi të vetëdijshëm për problemet dhe gjendjen të cilën e keni trashëguar, e nderuar ministre, në ministrinë që e udhëhiqni. Një gjendje aspak e mirë. Një nga këto probleme është edhe përjashtimi i vendit tonë nga ENQAR, Rrjeti Evropian për Sigurimin e Cilësisë në Arsim. Një përjashtim i këtillë ka shqetësuar komunitetin arsimdashës pasi që ka dëmtuar imazhin e Republikës së Kosovës para opinionit ndërkombëtar, kur publikisht dihet se shkaqet ishin ndërhyrjet politike në arsim. E nderuar ministre, A mund të na informoni nëse keni ndërmarrë ose do të ndërmerrni ndonjë hap rreth aplikimit për rianëtarësimin në EQAR, në mënyrë që Agjencia Kosovare e Akreditimit të funksionalizohet përsëri? 

 Pyetja e dytë ka të bëjë me testin e klasave përfundimtare, klasave të nënta, testin e arritshmërisë dhe klasave të dymbëdhjeta. Duke pasur parasysh periudhën më të gjatë kohore të ballafaqimit me mësimin gjatë pandemisë për këtë vit shkollor ose për këtë gjeneratë, e nderuar ministre, a mendoni që do të ishte i mundshëm ose i arsyeshëm një lehtësim për nga numri i kërkesave për testimin e nxënësve të kësaj gjenerate? Arsyetimin e pyetje e krahasoj edhe me vitin e kaluar kur nxënësit maturantë e kishin vetëm një pjesë të testit me gjithsej, vetëm 100 kërkesa kurse kësaj here janë caktuar dy data, veçse dihet nga ish-ministria. Nëse është e mundur që sadopak të na e sqaroni.

Meqë Qeveria ka ndarë mjetet për projektin e ndërtimit të memorialit për gratë ushtare, i nderuar ministër Çeku, do të ishte e mirëseardhur një përgjigje dhe një sqarim se kur pritet të fillojë implementimi i këtij projekti, në mënyrë që të mos harrohet vepra e katër grave heroina.

Në cilën fazë të projektit për projektin e palestres sportive ne Greme jemi aktualisht? Cilët janë hapat që ministria juaj i ka ndërmarrë apo pritet të ndërmarrë për finalizimin e këtij projekti?

Duke e ditur që kjo qendër është e një rëndësie të veçantë për t’i ofruar komunitetit hapësirë dhe mundësi të realizimit të shumë aktiviteteve kulturore sportive. Pyetja ime është kur do ta kenë mundësinë qytetarët e Ferizajt ta kenë këtë qendër të rëndësishme në shfrytëzim?

Dilat janë veprimet e MASHT-it për të ndikuar në përshpejtimin e përfundimit të projektit të shkollës në Talinovc? Çfarë hapash ka ndërmarrë Ministria lidhur me monitorimin dhe kur parashihet përfundimi dhe funksionalizimi i plotë i shkollës në fjalë?